Жергілікті дереккөздердің хабарлауынша, дүйсенбі күні таңсәріде басып алынған Батыс Шерияда Наблустың оңтүстігіндегі екі ауылға еврей қоныстанушылары жасаған шабуыл салдарынан кемінде 10 палестиналық жараланды.
Луббан ауылдық кеңесінің төрағасы Якуб Үвейс қоныстанушылардың бедуин қауымына басып кіріп, тұрғындарға шабуыл жасағанын, соның салдарынан екі адамның ауруханаға жеткізілгенін, 10 адамның жараланғанын айтты. Шабуыл кезінде үйлер мен көліктер де өртелген.
Өрт пен қақтығыс өршіп барады
Сонымен қатар израильдік қоныстанушылар Қусра қалашығына кіріп, палестиналықтарға тиесілі көлікті өртеп жіберген. Белсенді Абдүлдейім әл-Уәди ондаған жастың қарсылық көрсетіп, шабуылдаушыларды шегінуге мәжбүрлегенін білдірген.
Аталған зорлық-зомбылық оқиғалары 2023 жылғы қазаннан бері басып алынған Батыс Шерия аумағында күшейген, кісі өлтіру, жарақаттау, тұтқындау және күштеп қоныс аудартумен сипатталатын ауқымды қоныстанушы шабуылдарының бір бөлігі ретінде қарастырылып отыр.
Палестиналық биліктің дерегіне сәйкес, осы шиеленіс күшейген кезеңде 1140-тан астам адам қаза тапты, шамамен 11 750 адам жараланды және 22 000-ға жуық адам қамауға алынды.
