Түркия президенті Режеп Тайып Ердоған АҚШ президенті Дональд Трамппен кездесу үшін Вашингтонға барды.
Трамп Ердоғанды Ақ Үйде қарсы алады, олар екіжақты қарым-қатынастар мен аймақтық мәселелерді талқылайды.
Сауда, инвестиция және қорғаныс өнеркәсібі сияқты мәселелер талқыланады деп күтілуде.
«Президент Трамппен кездесуіміз аймағымыздағы соғыстар мен қақтығыстарды тоқтатуға, сондай-ақ жаһандық бейбітшілікке бағытталған ортақ көзқарасымыз аясында елдеріміз арасындағы ынтымақтастықты нығайтуға ықпал етеді деп сенемін», – деді Ердоған.
Ердоған осы жылы БҰҰ Бас Ассамблеясының сессиясына қатысу үшін Нью-Йоркке барған болатын. Сейсенбі күні ол Трамп пен АҚШ-тың бірінші ханымы Мелания Трамп ұйымдастырған мемлекет басшылары мен олардың жұбайларына арналған қабылдауға қатысты.
Сол күні Ердоған мен Трамп Бас Ассамблея аясында Газа мәселесіне арналған көпжақты кездесуге қатысты.
Жабық есік жағдайында өткен кездесудің егжей-тегжейі жарияланбады, бірақ Ердоған кейінірек бұл келіссөзді «өте жемісті және оң» деп бағалап, өз ризалығын білдірді.
