АҚШ Орталық қолбасшылығының «X» парақшасында жарияланған мәлімдемеде Ормуз бұғазындағы теңіз қатынасына төнетін қауіпті барынша азайту мақсатында Ирандағы әскери нысандарға жасалған соққылардың аяқталғаны айтылды.
Мәлімдемеде шабуылдар барысында Иранның әуе шабуылына қарсы қорғаныс жүйелері, жағалаудағы радиолокациялық бекеттері, зымыран және ұшқышсыз ұшу аппараттары орналасқан нысандары, сондай-ақ шағын қайықтарының нысанаға алынғаны көрсетілді.
Соққыларға әскери ұшақтар, әскери кемелер, камикадзе ұшқышсыз ұшу аппараттары және алғаш рет камикадзе үлгісіндегі теңіз көліктері қолданылғаны атап өтілді. Мәлімдемеде: «Ормуз бұғазы — жаһандық сауда үшін аса маңызды теңіз дәлізі. Иран бұл бұғазды бақыламайды», — делінген.
Сондай-ақ мәлімдемеде Иранның негізсіз агрессиясына, қудалау әрекеттеріне, қоқан-лоқылары мен біржақты мәлімдемелеріне қарамастан, АҚШ күштері кеме қатынасы еркіндігін қамтамасыз ету үшін тиісті орындарға орналастырылғаны айтылды.
АҚШ армиясы 7 және 8 шілдеде Иран «сауда кемелерін нысанаға алды» деген уәжбен бұл елге қарсы әскери шабуыл бастағанын мәлімдеген еді.
