Украина президенті Владимир Зеленский “Украина Еуроодаққа қосылуы керек және осы мақсатқа жету үшін барлық қажетті қадамды басып отыр”, деп мәлімдеді.

Варшава Қауіпсіздік форумында сөз сөйлеген ол Киев әкімшілігінің өз міндеттерін орындағанын білдірді.

“Біз барлық қажетті шараларды жасап жатырмыз және Украинаға қосылу процесі қандай да бір елдің ішкі саясатына байланысты кешіктірілмеуі маңызды. Біз Ресейге тәуелді болудан аулақ болуымыз керек,” - деді ол.

Украина 2022 жылдың ақпанында Ресеймен соғыс басталғаннан кейін көп ұзамай Еуроодаққа мүшелікке өтініш берді. 2023 жылдың желтоқсанында Еуропалық Кеңес Украинаның қосылуы бойынша келіссөздерді бастауға келісім берді.

2024 жылдың маусымында Еуропалық Комиссия Украина мен Молдовадағы реформаларға оң баға беріп, Брюссель қосылу келіссөздері үшін негіздеме жоспарын мақұлдады.

Алайда Венгрия мен Словакия бұл процесті тоқтатып, Ресейден энергия жеткізетін “Дружба” мұнай құбырына шабуылдарды тоқтату сияқты шарттар қойды.

Кейін Литва Будапешттің қарсылығын айналып өтетін бөлек келіссөз жоспарын ұсынды.