Санаэ Такаити парламенттің төменгі палатасын таратты
Елдің Өкілдер палатасының сайлауы 8 ақпанда өтеді.
Жапония премьер-министрі Санаэ Такаити 8 ақпанда өтетін мерзімінен бұрынғы жалпы сайлау үшін төменгі палатаны таратты. Бұл туралы «Kyodo» агенттігі хабарлады.
Такаитидің кабинеті жұма күні 465 орындық Өкілдер палатасын тарату туралы шешімді мақұлдады.
Кез келген партия немесе коалиция екі палаталы Жапония парламентінде премьер-министрді сайлау үшін төменгі палатада кемінде 233 орын алуы керек.
Премьер-министрлердің төменгі палатаны таратуға құқығы болғанымен мұндай қадамның заң шығару сессиясы басталған сәтте басылуы соңғы 60 жылда алғаш рет тіркеліп отыр.
Парламент таратылғаннан кейін үгіт-насихат кезеңі басталып кетті.
Такаити бұл шешімін 2025 жылдың қазан айынан бері жалғасып келе жатқан премьер-министрлігі мен сол айда құрылған жаңа билік коалициясы үшін халықтан тікелей мандат алудың қажеттілігімен түсіндірді.
Либерал-демократиялық партия мен Жапонияның Жаңашылдық партиясы құрған коалиция төменгі палатада жеткіліксіз басымдыққа ие, ал Кеңесшілер палатасында әлі де азшылық күйінде қалып отыр.
Алайда төменгі палата таратылғаннан кейін небәрі 16 күн ішінде сайлау күнін белгілеуі сайлаушыларға балама ұсыныстарды салыстырып бағалауға өте аз уақыт қалдырады деген уәжбен сынға ұшырады.
Оппозициялық партиялар да 2026 қаржы жылына арналған бастапқы бюджет парламентте қабылданып үлгермей тұрып, сайлау жариялағаны үшін Такайтиді саяси мүддені алға шығарды деп айыптады.
Бұған дейінгі төменгі палата сайлауы 2024 жылғы қазанда өткен еді.