Данияның солтүстігіндегі Ольборг әуежайында әуе кеңістігінен дрон байқалуына байланысты барлық рейс уақытша тоқтатылды. Полиция бұл шараның қауіпсіздік мақсатында жасалғанын мәлімдеді.

“Nordjylland” полициясы: «Ольборг әуежайы маңында дрондар байқалды, әуе кеңістігі жабылды. Полиция оқиға орнында, тексеру жалғасуда», – деп хабарлады.

Апта басында Копенгаген әуежайында да ұқсас жағдай тіркеліп, дрон туралы хабарға байланысты рейстер уақытша тоқтатылған болатын.

Дания премьер-министрі Метте Фредериксен Копенгагендегі оқиғаға қатысты жасаған мәлімдемесінде дрондардың Ресейге тиесілі болуы мүмкін екенін жоққа шығармайтындарын айтқан еді.