Мақсат ˗ бастапқы кезеңде халықтың 50%-ының жасанды интеллектіні пайдалануын қамтамасыз ету және уақыт өте келе бұл көрсеткішті 80%-ға дейін арттыру.

Жұма күні таныстырылған жобаға сәйкес, «Jiji Press» жасанды интеллектіні қолданудың артуы Жапонияның өз ЖИ технологияларын дамытуда маңызды рөл атқаратынын атап өтті.

Жоспарда сондай-ақ зерттеулер мен әзірлемелерді қолдау үшін жеке сектордан шамамен 1 триллион иен (шамамен 6,4 млрд доллар) көлемінде инвестиция тарту көзделген.

Үкімет бұл бағдарламаны жыл соңына дейін өтетін Министрлер кабинеті отырысында бекітуді жоспарлап отыр.

Қазіргі таңда Жапонияда жасанды интеллектіні қолдану деңгейі 26,7% ғана, ал АҚШ-та 68,8%, Қытайда 81,2% деңгейінде.

Жоба жасанды интеллектіні қоғамның барлық саласына енгізу қажеттігін, оның елдің дамуы үшін әрі интеллектуалдық негіз, әрі қолданбалы платформа қызметін атқаратын шешуші әлеуметтік инфрақұрылым екенін көрсетеді.