Түркия президенті аппараты жанындағы Коммуникация басқармасы ертең Өзбекстан астанасы Ташкентте «Түркі әлемі диалогтары: Ортақ болашақ, ортақ көзқарас» атты панель өткізеді.

Басқарманың мәліметінше, Түркі Мемлекеттері Ұйымының (ТМҰ) 13-мемлекет және үкімет басшылары саммиті 29–30 қазанда Анкарада өтеді.

Саммит қарсаңында ТМҰ-ға мүше және бақылаушы елдерде «Түркі әлемі диалогтары: Ортақ болашақ, ортақ көзқарас» атты панельдер ұйымдастырылып жатыр.

Осы панельдердің үшінші жиыны ертең Ташкентте өтеді. Түркия президенті аппараты жанындағы коммуникация басқармасының басшысы Бурханеттин Дуран қатысушыларға бейнеүндеу жолдайды.

Жиынның мақсаты — ТМҰ-ның өңірлік және жаһандық деңгейдегі танымалдығын арттыру, түркі әлемінің ортақ көзқарасын әртүрлі аудиторияға жеткізу, сондай-ақ елдер арасындағы академиялық, мәдени және қоғамдық байланыстарды нығайту.

Сонымен қатар жиында Анкарада өтетін ТМҰ-ның 13-саммитіне қатысты мәселелер де талқыланады.