“OpenAI” жүздеген миллиард долларлық шығын міндеттемелерін жаңа табыс көздерімен теңестіруді бастау мақсатында тегін және төмен ақылы пайдаланушыларға чат-боттарда жарнама көрсете бастады.
Бәсекелес “Anthropic” бұл жаңалықты тез арада келеке етті.
“OpenAI”-ден бөлек “Microsoft” 2023 жылдан бері “Copilot” жасанды интеллект ассистентінде контекстке негізделген жарнамалар мен демеушілік контенттер жариялап келеді.
Жасанды интеллект іздеу жүйесі “Perplexity” 2024 жылдан бері АҚШ-та жарнамаларды сынақтан өткізіп жатса, “Google” да өткен жылдан бері AI «қысқаша мазмұндамаларында» жарнамаларды сынақ ретінде қолдануда.
Жеке дерек құпиялылығы
“Google” “Gemini” чат-ботында жарнама жариялағысы келеді деген айыптарды бірнеше рет жоққа шығарды. “DeepMind” жасанды интеллект бөлімінің басшысы Демис Хассабис жарнамалардың «өте мұқият қарастырылуы керектігін» айтып, ЖИ-дегі «ең маңызды нәрсе» “қауіпсіздік пен құпиялылыққа деген сенім” екенін білдірді.
“OpenAI” ChatGPT жауаптарының жарнамалардан әсер алмайтынын айтып, пайдаланушыларды сендіруге тырысты. Сондай-ақ компания пайдаланушы деректерін жарнама берушілерге сатпайтыны туралы міндеттеме берді.
«Егер маркаңыз (чат-боттар тарапынан) сілтеме ретінде көрсетілмесе, ол енді жоқ деген сөз»
GEO (Generative Engine Optimisation) деп аталатын бұл үдеріс— “Google”-дың интернеттегі үстемдігі кезеңінде қолданылған Іздеу жүйесін оңтайландыру (SEO) стратегиясының дамыған түрі.
Франциялық GEO стартапы “GetMint”-тің басшысы Джоан Буркович: «Біз сіз жасаған контенттің ЖИ тарапынан құнды деп танылуын және тиісті жерлерге таралуын қамтамасыз ете алатын 90 ережені анықтадық», — дей отырып, компанияның қазірдің өзінде “Lacoste” сияқты сән брендтерін қоса алғанда 100 клиенті бар екенін алға тартты.
“Micropole” атты ЖИ консалтингтік компаниясынан Жером Мальзак ғылыми мақалаларға сілтеме қосу, веб-сайтыңызға «жиі қойылатын сұрақтар» бөлімін қосу және жүйелі түрде жаңартылып отыратын ақпараттарды жариялау сияқты техникаларға тоқталып, «Егер маркаңыз (чат-боттар тарапынан) сілтеме ретінде көрсетілмесе, кейбір пайдаланушылар үшін сіздің бренд енді жоқ », - деп ескертті.
