АҚШ Орталық қолбасшылығына (CENTCOM) сілтеме жасаған америкалық БАҚ-тың жексенбі күнгі хабарына қарағанда, Иран порттарына қолданылған блокаданы бұзып өтпек болған кезде АҚШ тарапынан тоқтатылған кеме экипажымен бірге Иранға қайтарылуы үшін Пәкістанға өткізілді.

“ABC News” телеарнасының “CENTCOM” баспасөз хатшысы капитан Тим Хокинстен келтірген мәліметі бойынша «Бүгін АҚШ күштері «M/V Touska» кемесі экипажының 22 мүшесін елдеріне қайтару мақсатында Пәкістанға өткізу процесін аяқтады».

Хокинс өткен аптада тағы алты жолаушының елдеріне қайтарылуы үшін аймақтағы басқа бір елге жеткізілгенін білдірді. Иранның мемлекеттік БАҚ-тары бұл алты адамның экипаж мүшелерінің отбасылары екенін хабарлады.

Әзірге “CENTCOM” бұл ақпаратты растау туралы өтінішке жауап берген жоқ, сондай-ақ Пәкістан мен Иранның ресми өкілдері де бұл хабарды әлі растамады.

АҚШ әскери-теңіз күштері 19 сәуірде Оман шығанағында блокада ережелеріне бағынудан бас тартты деген айыппен «Touska» атты кемені басып алған болатын.