Таяу Шығыстағы қақтығыстардың күшеюіне байланысты АҚШ Орталық қолбасшылығы (CENTCOM) Ирандағы әскери нысандарға 11-түн қатарынан шабуыл жасағанын хабарлады.
Қолбасшылық “X” әлеуметтік желісінде жасаған мәлімдемесінде: «CENTCOM күштері бүгін Шығыс уақыты бойынша сағат 19:00-де Ирандағы әскери нысандарға 11-түн қатарынан шабуылды жалғастырды. Шабуылдардың мақсаты – Иранның Ормуз бұғазындағы коммерциялық кемелерге қауіп төндіру мүмкіндігін әлсірету», – деді.
Мәлімдемеден кейін “Fars” ақпарат агенттігінің хабарлауынша, Иранның солтүстік-батысындағы Тебриз қаласының оңтүстігінде бірнеше жарылыс дауысы естілген.
Сондай-ақ “Fars” агенттігі Иран астанасы Тегеранның шығыс бөлігінде әуе қорғаныс жүйелері іске қосылғанын хабарлады.
Пентагон америкалық сарбаздың қаза тапқанын растады
Сонымен қатар Пентагон сейсенбі күні жасаған мәлімдемесінде «жау» Иорданиядағы әскери базаға жасаған шабуылдан кейін бұрын із- түссіз жоғалған деп жарияланған америкалық сарбаздың енді ұрыс барысында қаза тапты деп есептелетінін мәлімдеді.
Қорғаныс министрлігі: «Нью-Йорк штатының Озон-Парк ауданынан шыққан 28 жастағы сержант Энджел С. Рэмперсад 2026 жылы 17 шілдеде Иорданиядағы Муваффақ Салти әуе базасына жасалған жау шабуылы кезінде ұрыс барысында қаза тапты деп есептеледі», – деп хабарлады.
Оқиға бойынша тергеу жүргізіліп жатқаны айтылды.
