Билік өкілдері Латакия аймағындағы Түрікмен тауларының Әл-Ассалия және Айн Иса өңірлерінде екі баланың селге ағып кетіп, қаза тапқанын хабарлады. Сондай-ақ «Alekhbariah» телеарнасы хабарлағандай нөсер жаңбырдан кейінгі тасқын жүздеген отбасының қоныс аударуына әкелді.
Төтенше жағдайлар және апаттарды басқару министрлігі дүйсенбі күні жасаған мәлімдемесінде сенбі таңынан жексенбі түніне дейін көптеген өңірде су тасқыны болғанын, тұрғын үйлер мен Идлибтің батысына қоныс аударған босқындар тұратын 22 лагерьге зиян келгенін мәлімдеді.
Латакия ауылдық аймағындағы Түрікмен тауының Әл-Ассалия және Айн Иса өңірлеріндегі тау аңғарында екі бала селге ағып кетіп, қаза тапты.
Түрікмен тауларындағы тасқыннан зардап шеккендерге көмекке бара жатқан Сирия Араб Қызыл Жарты ай ұйымының еріктісі жол апатынан қаза тауып, алты адам жарақат алды. Араларында Қызыл Жарты ай ұйымының еріктісі бар.
Министрлік Латакиядағы Шейх Хасан ауылында 30 үйдің, ал Идлиб уәлаятында 47 үйдің су астында қалғанын хабарлады. Халық мектептерге орналастырылды.
650-ден астам отбасының үйі толық қирап, 1300-ден астам отбасының үйі жартылай бүлінді. Идлиб уәлаятындағы 22 босқын лагері су тасқынынан зардап шекті.
Идлибтің батысындағы Харбат әл-Джауз аймағында орналасқан Айн әл-Байда ауруханасы су астында қалып, науқастар, медицина қызметкерлері және жаңа туған нәрестелерге арналған инкубаторлар эвакуацияланды.
Билік өкілдері Идлибтің батысындағы мектептерге босқындарды орналастыру үшін жеті уақытша баспана құрылғанын хабарлады. Эр-Рахма мектебінде 80 отбасыға, ал Әл-Ансарда 5 отбасыға шұғыл гуманитарлық көмек таратылып, зардап шеккендерге жедел медициналық қызмет көрсетілген.
