Кеше Қазақстанда Каспий теңізінде өткен әскери жаттығу кезінде қатты желдің салдарынан теңізге ағып кеткен 17 әскери қызметшінің 14-і қаза тауып, үшеуі құтқарылды.
Қазақстан Қорғаныс министрлігінің мәлімдемесінде жаттығу кезінде Каспий теңізіне ағып кеткен әскери қызметшілерді іздеу-құтқару жұмыстарының аяқталғаны хабарланды.
Мәлімдемеде таңертең тағы екі әскери қызметшіің денесі теңізден табылғаны айтылды. Осылайша оқу-жауынгерлік тапсырма орындалып жатқан кезде ауа райының кенеттен бұзылуы салдарынан теңізге ағып кеткен 17 әскери қызметшінің 14-і қаза тауып, үшеуі құтқарылғаны белгілі болды.
Тергеу жалғасуда
Қазақстан Бас прокуратурасының мәлімдемесінде Маңғыстау облысындағы әскери жаттығу кезінде әскери қызметшілердің қаза табуына байланысты тергеу жалғасып жатқаны хабарланды.
Қазақстанда 25 қыркүйек Ұлттық аза тұту күні болып жарияланды.
Ел бойынша мемлекеттік ту төмен түсіріліп, барлық концерт пен ойын-сауық бағдарламалары тоқтатылды.
