Түркия президенті Режеп Тайып Ердоған АҚШ пен Израильдің Иранға қарсы соғысы ұлғайып, бүкіл өңірді отқа орамай тұрып тоқтатылуы керектігін айтып, дипломатияға мүмкіндік берілсе, мұның жүзеге асырылатынын атап өтті.
Сәрсенбі күні партия отырысында сөз алған Ердоған Түркияның келіссөз үстеліне оралу, дипломатияны қайта іске қосу үшін әрекет етіп жатқанын мәлімдеді.
Ердоған жағдайдың аса маңызды екенін ескере отырып, Түркияның сақтықпен әрекет етіп отырғанын және айналасындағы қақтығыстардан қорғану үшін қажетті шаралар қабылдап жатқанын жеткізді.
Сонымен қатар президент Түркияның өңірдегі дағдарыстарға бейжай қарамайтынын және қажет кезде дос және бауырлас елдерге қолдау көрсетуден ешқашан бас тартпайтынын атап өтті.
