ТҮРКИЯ
2 ... минут оқылды
Президент Ердоған Оңтүстік Корея президентімен Анкарада кездесті
Президент Ердоған екі тарап таза энергия станциясын құру жөніндегі келіссөздерді жалғастыратынын айтты.
Президент Ердоған Оңтүстік Корея президентімен Анкарада кездесті
Түркия президенті Режеп Тайып Ердоған мен Оңтүстік Корея президенті Ли Чжэ-мён Анкарада кездесті / AA
 

Түркия президенті Режеп Тайып Ердоған мен Оңтүстік Корея президенті Ли Чже-мён ынтымақтастықты кең ауқымда нығайтуға бағытталған жан-жақты келіссөздер үшін Анкарада кездесті.

Президент Ердоған дүйсенбі күні Оңтүстік Корея президентімен сауда, қорғаныс, жасанды интеллект, энергетика, жартылай өткізгіштер және басқа да салаларды қамтитын екіжақты қатынастарды талқылағанын айтты.

Тараптар сондай-ақ плазма технологиясы саласында өзара келісімге қол қойды.

Ердоған қазіргі таңда екіжақты сауда көлемі 10 млрд доллардан асқанын айтып, бұл көрсеткішті 15 млрд долларға дейін арттыруды мақсат ететіндерін жеткізді. Ол инвестиция салғысы келетін оңтүстіккореялық инвесторларға толық қолдау көрсетілетінін атап өтті.

«Анкара мен Сеул өзара тиімділік қағидаты негізінде көптеген салада қатынастарын нығайта бермек», - деді президент Ердоған.

Қорғаныс саласындағы ынтымақтастықтың өзара оқу-жаттығу бағдарламалары мен инвестициялар арқылы тереңдетілуі мүмкін екенін атап өтіп, «Тиісті мекемелермен таза энергия станциясын салуға қатысты келіссөздеріміз де жалғасып жатыр», – деді.

Ердоған мықты қорғаныс ынтымақтастығы екі елдің әлеуетін арттырып, аймақтық бейбітшілікке де үлес қосатынына үміт білдірді.

Сондай-ақ президент Оңтүстік Кореяның Сириямен дипломатиялық қатынастар орнату туралы шешімін құптап, оны «қуанышты жаңалық» деп атады.

Газа мәселесіне қатысты Ердоған: «Түркия мен Оңтүстік Корея Газадағы бітімді сақтау, бейбіт тұрғындардың өліміне жол бермеу және екі мемлекет негізіндегі шешімге қолдау көрсету ұстанымында», – деді.

Украина жөнінде Ердоған Түркияның «әсіресе Стамбул келіссөздері арқылы» тұрақты бейбітшілікке қол жеткізуге бағытталған барлық дипломатиялық күш-жігерді қолдауды жалғастыратынын айтты.

Президент Ердоған Анкараның Ирак, Африка, Орталық Азия сияқты көптеген өңірмен, сондай-ақ Сирия, Газа және Украинаны қайта қалпына келтіру ісінде Сеулмен бірге жұмыс істей алатынына сенетінін жеткізді.

Оңтүстік Корея президенті Ли Чже-мён жексенбі күнгі мәлімдемесінде өз елі мен Түркияны «еркіндік пен демократияны қорғау үшін қатар күрескен, қанмен байланысқан бауырлас халықтар» деп атаған болатын.

 

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»