“Ресейдің қиыр шығысындағы Камчатка жағалауында 7,4 баллдық жер сілкінісі болды”, деп хабарлады АҚШ Геологиялық қызметі (USGS).

“Сенбі күні болған бұл жер сілкінісі Камчатка аймағының әкімшілік орталығы Петропавловск-Камчатский қаласынан 111 шақырым шығыста, 39,5 шақырым тереңдікте тіркелді”, деп мәлімдеді USGS.

Тынық мұхиты цунами ескерту орталығы эпицентрдің 300 шақырым қашықтығындағы Ресей жағалауында "қауіпті" толқындардың болуы мүмкін екенін ескертті.

USGS бастапқыда жер сілкінісінің магнитудасын 7,5 деп білдіріп, кейін оны төмендетті.

Шілде айында Камчатка түбегінде тіркелген ең күшті жер сілкіністерінің бірі Тынық мұхитында биіктігі 4 метрге дейін жеткен цунами тудырып, Гавайиден Жапонияға дейін эвакуация шараларын жүргізуге себеп бол.ған еді.

8,8 баллдық бұл жер сілкінісі 2011 жылдан бергі жер сілкіністерінің ең ірісі болды. Сол жылы Жапония жағалауында 9,1 баллдық жер сілкінісі болып, 15 000-нан астам адамның өмірін қиған цунамиге әкелген еді.

Шілде айындағы жер сілкінісі Жапония билігін екі миллионға жуық адамды қауіпсіз жерге көшіруге мәжбүр етті.

Сол кезде аймақта цунами туралы ескертулер жарияланды.