Түркияның Ұлттық барлау ұйымының басшысы Ибрахим Калын сейсенбі күні Бағдатта Ирак шенеуніктерімен жоғары деңгейде кездесу өткізіп, шекара қауіпсіздігін нығайту және терроризмге қарсы бірлескен шараларды күшейту мәселелерін талқылады.
Калын алдымен Ирак премьер-министрі Мұхаммед Шиа әл-Суданимен кездесті, содан кейін Президент Абдул Латиф Рашидпен келіссөз жүргізді.
Қауіпсіздік көздерінің мәліметінше, кездесуге Ирактың премьер-министрінің орынбасары және Сыртқы істер министрі Фуад Хусейн де қатысты.
Сапар аясында Калын Қорғаныс министрі Сабит Аббаси, Ұлттық барлау қызметінің басшысы Хамид әл-Шатри, Егемендік альянсының жетекшісі Хамис әл-Ханжар және Өкілдер кеңесінің төрағасы Махмуд әл-Машхадани сияқты тұлғалармен кездесті.
Кездесулер барысында екі тарап шекараларды қауіпсіздендіру және террористік қауіптерді жою арқылы "терроризмнен азат Түркия" мақсатына жету үшін бірлескен қадамдарды талқылады.
Бағдат тарапы барлық деңгейде Анкараға толық қолдау көрсететінін растады.
Келіссөздер барысында аймақтық бейбітшілік пен тұрақтылықты нығайту мүмкіндіктері, сондай-ақ екіжақты қарым-қатынастардың жалпы жағдайы талқыланды.
Иран мен Израиль арасындағы шиеленістер де күн тәртібінде болды, екі тарап бітім процесіндегі соңғы оқиғалардға баға берді.
Кейін Калын Ирак Түркімен майданының басшысы М. Семан Ағаоғлу және ұйымның жоғары лауазымды тұлғаларымен жеке кездесу өткізіп, түркімендер қоныстанған аймақтардағы қауіпсіздік жағдайын қарастырды және алдағы сайлауға дайындық туралы мәлімет алды.
