Әзербайжан президент аппаратының хабарлауынша, Бакуге іссапармен барған Әділет министрі Акын Гүрлекті президент Ильхам Әлиев қабылдады.
Гүрлек президент Әлиевке Режеп Тайып Ердоғанның сәлемін жеткізді. Президент Әлиев Ердоғанға ризашылығын білдірді.
Гүрлек ортақ тарих, мәдениет және бауырластық байланыстарға негізделген Түркия-Әзербайжан қатынастары екі ел көшбасшылары арасындағы жылы әрі сенімді байланыстардың арқасында күн сайын нығая түскенін айтты.
Сондай-ақ ол президент Әлиевтің басшылығымен Әзербайжанның даму үстінде екенін атап өтіп, ел экономикасының ілгерілеуіне, халықаралық беделінің артуына және Қарабақта қол жеткізілген тарихи жеңіске назар аударды.
«Түркия алдағы уақытта Әзербайжанға қолдау көрсетуді жалғастырады»
Гүрлек Әзербайжанның өңірдегі энергетика, көлік және байланыс жобалары, сондай-ақ Зеңгезур дәлізі сияқты стратегиялық бастамаларды жүзеге асыруда маңызды рөл атқарып отырғанын атап өтіп, Түркияның алдағы уақытта да Әзербайжанға қолдау көрсетуді жалғастыратынын мәлімдеді.
Тараптар екі елдің әділет министрліктері арасындағы тиімді ынтымақтастықты одан әрі дамыту мәселелері бойынша пікір алмасты.
