ТҮРКИЯ
2 ... минут оқылды
Ормуз бұғазына балама бағыт: Түркия Сауд Арабиясымен транзиттік сауданы бастады
Түркия Республикасының Сауда министрі Өмер Болат стратегиялық су жолы арқылы өте алмай жатқан тауарлар балама логистикалық арналар арқылы бағытталып жатқанын білдірді.
Ормуз бұғазына балама бағыт: Түркия Сауд Арабиясымен транзиттік сауданы бастады
Соғыс кеме қатынасын тоқтатқандықтан Түркия аймақтық экспортын Сауд Арабиясы арқылы қайта бағыттайды. / AA

Сауда министрі Өмер Болат Түркияның Ормуз бұғазындағы іркілістер жағдайында өңір елдеріне жөнелтілімдердің жалғасуын қамтамасыз ету үшін Сауд Арабиясымен транзиттік сауданы бастағанын хабарлады.

Анкарада өткен салтанатты рәсімде сөйлеген Болат стратегиялық су жолынан өте алмайтын тауарлар балама логистикалық бағыттар арқылы тасымалданатынын айтты. Ол Сауд Арабиясымен жасалған келісім аясында транзиттік сауданың басталғанына назар аударып, «Осының арқасында Ормуз бұғазы арқылы жете алмайтын тауарларды бір бөлігін құбыр желілерімен, бір бөлігін автожол тасымалы арқылы өңір елдеріне жеткізуді жалғастырамыз», - деді.

Болат келісім аясында енді транзиттік визалардың беріліп жатқанын растады және бұл қадам Парсы шығанағындағы сауда ағынын сақтауға көмектесетінін қосты.

Балама бағыттар

Болат ақпан айының соңында АҚШ пен Израильдің Иранға жасаған шабуылдарымен басталған соғысқа тоқталып, «Энергетикалық бассейндер қозғалыс үшін жабылды. Ормуз бұғазы жабылғаннан кейін өңделген мұнай өнімдерінің едәуір бөлігін тасымалдау мүмкін болмай қалды. Мұнай-химия өнімдері, химикаттар мен тыңайтқыштар секілді тауарлар бойынша да елеулі қиындықтар туындады», - деді.

Министр үкіметтің экономикалық мүдделерге нұқсан келмеуі үшін жұмыс істеп жатқанын атап өтті.

Ол Түркияның логистика саласында өте үлкен ілгерілеуге қол жеткізгенін айтып, қазіргі уақытта елдің логистика секторының көлемі 112 миллиард долларды құрайтынын мәлімдеді.

Ауыл шаруашылығы мәселесіне қатысты Болат Түркияның жеткілікті қоры бар екенін және биыл өндірісте рекордтық көрсеткіштер күтіліп отырғанын айтты.

Сондай-ақ министр: «Ауыл шаруашылығында ұсыныс тапшылығы туындамасын деп, тыңайтқыш бойынша жеткілікті қор жинап қойған едік. Экспортты тіркеуге алдық, импортта кедендік баждарды нөлге түсірдік», - деді.

ҚатыстыTRT Қазақ - Ормуз бұғазы қозғалысын басқару үшін хаттама жобасы әзірленді
Іздеу
Конгода Эбола індетін жұқтырғандар саны 11 мыңнан асты
ЕО Даму банкі Түркияның таза энергияға көшуіне 6 миллиард доллар инвестиция салады
Түркияның баскетболдан әйелдер құрамасы Черногорияны 79:62 есебімен жеңді
Президент Ердоған COP31 саммиті аясында екіжақты кездесулерін жалғастыруда
БАӘ-де Украинадағы соғысты тоқтату жөніндегі үшжақты келіссөздер жалғасуда
Израиль Батыс Шерияда 165 мың шаршы метр Палестина жерін тәркілеуге бұйрық берді
Еуроодақ 2027 жылға арналған бюджет көлемін келісті
COP31 басталды: Көшбасшылар белсенді болуға шақыруда
Президент Ердоған БҰҰ Бас хатшысы Гутерришті қабылдады
Оңтүстік Корея мен Украина сыртқы істер министрлері Парижде кездесті
Иранның ықтимал шабуылдары АҚШ шенеуніктерін алаңдатып отыр
Түркия мен Сауд Арабиясы электр энергетикасы саласында  ынтымақтастық меморандумына қол қойды
БҰҰ Бас хатшысы Гутерриш Түркияға COP31 үшін жоғары баға берді
Президент Ердоған: «Түркия қауіпсіздік пен тұрақтылықты нығайтып келеді»
Йемен: «Хоуситтердің Таизге жасаған шабуылдарынан 73 сағатта 33 адам қаза тапты»