Владимир Зеленский «Украина – Оңтүстік-Шығыс Еуропа саммитіне» қатысу үшін Украинаға барған Еуропалық комиссияның төрайымы Урсула фон дер Ляйенмен бірлескен баспасөз мәслихатын өткізді.

Зеленский 2022 жылғы ақпанда Ресей мен Украина арасында соғыс басталғалы бері еліне көрсеткен қолдауы үшін Еуропалық одаққа алғыс айтып, саяси және қорғаныс салаларындағы көмектің Украина үшін маңызды екенін атап өтті.

Украинаның Еуропалық одақпен ықпалдасу үдерісіне тоқталған Зеленский: «Бүгінде Еуропада бұл мәселеге қатысты барлығы ортақ пікірде. Біз Еуропалық одақтың толыққанды мүшесі болуға лайықпыз», – деді.

Зеленский Еуропалық одақтың Ресейге қарсы 21-ші санкциялар пакетін мақұлдауын күтетіндерін жеткізіп, «Ортақ қысымның, Еуропа және АҚШ-пен ынтымақтастығымыздың, сондай-ақ халқымыздың арқасында бейбітшілікке міндетті түрде қол жеткізетінімізге сенімдімін. Біз біртұтас әрі қуатты Еуропада бірге бейбіт өмір сүретін боламыз», – деп мәлімдеді.