Куба Вашингтон «ауқымды шабуыл» деп сипаттаған және Венесуэла президенті Николас Мадуроның ұсталуымен аяқталған АҚШ-тың әскери операциясы кезінде 32 жауынгерініің қаза тапқанын білдірді.
Куба президенті Мигель Диас-Канель жексенбі күні жасаған мәлімдемесінде өз міндеттерін абыроймен орындап, Кубаның көп жылдан бергі халықаралық ынтымақтастық рухына сай «берік қарсылық» көрсеткен жауынгерлерді еске алу мақсатында 5 және 6 қаңтар күндері ұлттық аза тұту күндері ретінде жарияланғанын хабарлады.
Куба үкіметінің мәліметінше, қаза тапқандар — екіжақты ынтымақтастық аясында Венесуэла билігінің өтінішімен жіберілген Куба Революциялық Қарулы күштері мен Ішкі істер министрлігінің өкілдері.Венесуэла да қаза тапқан жауынгерлерге құрмет көрсетті.
Каракас билігі: «Ынтымақтастық пен қорғаныс миссиялары аясында өз міндеттерін орындау барысында қаза тапқан 32 кубалық жауынгерді құрметпен еске аламыз», -деді.
АҚШ президенті Дональд Трамп бұған дейін сенбі күнгі рейд барысында Мадуроны қорғауға жауапты болған көптеген кубалық қауіпсіздік қызметкерінің қаза тапқанын айтқан болатын.
Сенбі күні кешке Нью-Йоркке жеткізілген Мадуро мен оның жұбайы Силия Флорес қазіргі уақытта Бруклиндегі Метрополитен қамау орталығында ұсталып отыр.
