АҚШ Мемлекеттік департаменті Грекияға «Switchblade 300 Block 20» үлгісіндегі шағын дрондарды сату мүмкіндігін мақұлдады.
АҚШ Мемлекеттік департаменті Грекияға әскери техника сату мүмкіндігіне қатысты мәлімдемесінде жалпы құны 80,1 миллион долларға бағаланған «Switchblade 300 Block 20» үлгісіндегі шағын дрондар мен оларға арналған жабдықтарды сатуға келісім берілгені айтылды.
Мәлімдемеде: «Бұл ықтимал сатылым Еуропадағы саяси және экономикалық тұрақтылыққа үлес қосып отырған НАТО-дағы одақтастың қауіпсіздігін күшейту арқылы АҚШ-тың сыртқы саясаты мен ұлттық қауіпсіздігіне қызмет етеді», – делінген.
Сондай-ақ бұл келісімнің Грекияның қазіргі және болашақтағы қауіп-қатерлерді тежеу, коалициялық операцияларды қолдау және АҚШ-пен әскери үйлесімділікті арттыру мүмкіндігін күшейтетіні атап өтілді.
«Аталған техника мен қолдау құралдарының сатылуы аймақтағы негізгі әскери тепе-теңдікті өзгертпейді», – делінген мәлімдемеде.
