ТҮРКИЯ
1 ... минут оқылды
Түркия Иран мен  АҚШ-ты диалогқа шақырды
Түркия халықаралық қауымдастықтың Ливан мен Газада тереңдеп бара жатқан гуманитарлық дағдарысқа қарсы әрекет етуі қажет екенін мәлімдеді.
Түркия Иран мен  АҚШ-ты диалогқа шақырды
Түркия Иран мен АҚШ-ты диалогқа шақырды / AA
 

Түркия Республикасының Ұлттық қорғаныс министрлігі «Иран мен АҚШ билігі уақытша бітімді тұрақты келісімге айналдырып, бейбіт келіссөздерді жалғастыру үшін сындарлы ұстаным танытады», - деп үміт білдірді.

Министрліктің баспасөз хатшысы контр-адмирал Зеки Актүрк бейсенбі күні өткен апталық брифингте: «Иран мен АҚШ уақытша бітімді тұрақты ету және келіссөз үдерісін жалғастыру үшін парасатты әрі сындарлы әрекет етеді деп үміттенеміз. Өңірде тұрақтылық пен бейбітшілікті қамтамасыз ету үшін  қолдауды жалғастырамыз», - деді.

Актүрк сондай-ақ келіссөздер жалғасып жатқанына қарамастан, Израильдің Ливанға қарсы шабуылдары мен Газадағы Израиль геноцидінен туындаған гуманитарлық ахуалдың ушығуына байланысты халықаралық қауымдастық жауапкершілік алуы керектігін атап өтті.

Ол Ұлттық қорғаныс министрі Яшар Гүлердің осы аптада Стамбулда өткен «SAHA 2026» қорғаныс көрмесі аясында Сомали, Косово, Кения, Кувейт, Мавритания, Судан және Эстонияның қорғаныс саласындағы жоғары лауазымды өкілдерімен қоса көптеген шетелдік әріптесімен кездескенін айтты.

ҚатыстыTRT Қазақ - Стамбулда «SAHA 2026» көрмесі басталды

Министр Гүлер осы кездесулер аясында Косовомен әскери-қаржылық ынтымақтастық туралы келісімге, ал Кениямен қорғаныс саласындағы ынтымақтастық туралы келісімге қол қойды.

Министрлік өкілі Актүрк Түркия Қарулы күштерінің жоғары лауазымды қолбасшылары да көрме барысында шетелдік делегациялармен кездесулер өткізгенін жеткізді.

Сонымен қатар хатшы Әуе күштерінің қолбасшысы генерал Зия Джемал Кадыоглуның 11–14 мамыр аралығында Португалияға баратынын, ал Әскери-теңіз күштерінің қолбасшысы адмирал Кадир Йылдыздың Мадридте өтіп жатқан 2026 жылғы Еуропа әскери-теңіз күштері қолбасшылары конференциясына қатысып жатқанын хабарлады.

 

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»