АҚШ шамамен 100 ирандықты Иранға депортациялауда. Бұл туралы “The New York Times” газеті хабарлады. Газетке бұл мәліметті келіссөздерге қатысқан екі жоғары лауазымды ирандық шенеунік пен жоспарлардан хабардар бір АҚШ шенеунігі берген.

Ирандық шенеуніктердің айтуынша, АҚШ-тың арнайы жалдаған рейсі дүйсенбі күні Луизианадан ұшып шығып, сейсенбі күні Катар арқылы Иранға жетуі тиіс болған.

Газеттің мәліметінше, ирандықтардың кім екені және олардың АҚШ-қа көшуге тырысу себептері анықталмаған.

Ақ Үй мен АҚШ Мемлекеттік департаменті бұл мәселеге қатысты “Reuters” агенттігінің түсініктеме беру сұранысына жауап бермеді.