Израиль әскері басып алынған Батыс Шерияның Калкилия қаласында орналасқан «Хүда Құран Кәрім» радиосының кеңсесіне басып кіріп, ондағы құрал-жабдықтарды тәркіледі және радиостанцияның жұмысын тоқтатты.
Жергілікті дереккөздердің мәліметінше, Израиль сарбаздары Калкилия қаласына бульдозермен кірген.
Олар қаладағы «Хүда Құран Кәрім» радиосының кеңсесіне басып кіріп, барлық техника мен материалдарды тәркілеп, радио орталығын жауып тастаған.
Радионы жабу туралы шешімнің қанша уақытқа созылатыны және тәркіленген заттар жөнінде әзірге мәлімдеме жасалған жоқ.
Израиль әскері радио ғимаратының кіреберісіне: «Бұл ұйым терроризмге қатысы бар және оны қолдайды деген айыппен заңсыз деп танылып, жабылды», – деп жазған.
