Денсаулық сақтау саласындағы дереккөздер жексенбі күні “Анадолы” агенттігіне берген мәлімдемесінде Израильдің Газаның орталық бөлігіндегі Дейр әл-Балах қаласына жасаған шабуылы салдарынан үш палестиналықтың қаза тапқанын хабарлады.
Куәгерлердің айтуынша, Израильдің ұшқышсыз ұшу аппараты Дейр әл-Балахтағы Әл-Ақса шейіттері ауруханасының маңындағы азық-түлік тарату орталығын нысанаға алған.
Денсаулық сақтау дереккөздері Израиль дроны Хан-Юнистегі палестиналықтар жиналған орынды нысанаға алғаннан кейін тағы бір палестиналықтың қаза тауып, төрт адамның жараланғанын мәлімдеді.
Сонымен қатар, жергілікті дереккөздер мен куәгерлер жексенбі күні таңертең Израильдің көптеген әскери көлігі Хан-Юнистің шығысындағы Бени Сухейла елді мекеніне артиллериялық шабуыл жасағанын хабарлады.
Дереккөздердің айтуынша, әскери көліктер «Сары сызықты» белгілейтін бетон блоктарын Әл-Ракаб және Әл-Фаджм аудандарында ондаған метр батысқа қарай жылжытып, Израиль басып алған аумақтарды іс жүзінде кеңейткен.
«Сары сызық» АҚШ президенті Дональд Трамптың Газадағы соғысты тоқтатуға арналған жоспарының екінші кезеңі аясында Израиль күштері шегінген шекараны білдіреді.
Бұл сызық Израиль толық бақылауда ұстап отырған аймақтар мен палестиналықтардың болуына рұқсат етілген аумақтарды бөліп тұр.
