Иранның ресми “IRNA” хабар агенттігінің мәліметінше, Али Зейниванд елорда Тегеранда өткізген баспасөз мәслихатында күн тақырыбына қатысты мәселелерге тоқталды.

Өз елінің келіссөздер тобына сенім білдіруге болатынын және алдағы уақытта АҚШ-пен жанама келіссөздерге жаңа дәнекер тараптар қосылуы мүмкін екенін білдірген Зейниванд: «Хабарлама алмасу мен дәнекерлік жалғасуда. Дипломатия тоқтамайды», — деді.

Соғыс алаңының дипломатияны демейтінін, ал дипломатияның қол жеткізілген табыстарды нығайтатынын айтқан Зейниванд дипломатияның ешқандай жағдайда тоқтатылмайтынын білдірді.

Иранның Ішкі істер министрі Искандер Мумини кеше Иран мен АҚШ арасында дәнекерлік етіп жүрген елдердің бірі Пәкістанға сапарлай барып, премьер-министр Шахбаз Шарифпен кездескен болатын.