Түркия Ұлттық қорғаныс министрлігі Түрік Әуе күштеріне тиесілі F-16 жойғыш ұшағының Балыкесирдің солтүстік-батысында құлағанын және ұшқыштың шейіт болғанын мәлімдеді.
Министрліктің мәлімдемесінде жергілікті уақытпен 00:56-да 9-шы негізгі реактивті авиабазадан ұшып шыққан F-16 ұшағымен байланыс үзілгені айтылған.
Дереу басталған іздестіру-құтқару жұмыстарының нәтижесінде ұшақтың сынықтары табылды.
ҰСЫНЫЛҒАН
Министрлік «Ұшқышымыз шейіт болды. Апаттың себебі арнайы сараптама тобының тексеруінен кейін анықталады. Шейіт болған ұшқышымызға Алладан рақым тілеміз, отбасына, Түрік Қарулы Күштеріне және халқымызға көңіл айтамыз», — деп білдірді.
Балыкесир губернаторы Исмаил Устаоглу да ұшқыштың отбасына көңіл айту жеделхатын жолдады.
