Жапон баспасөзінің жұма күні таратқан ақпаратына сәйкес, 2017 жылы тоғыз адамды өлтіргені үшін сотталған ер адамға қатысты өлім жазасы Жапонияда орындалды.
“Kyodo” ақпарат агенттігінің хабарлауынша, Жапонияда "Twitter қанішері" деген атпен танылған Такахиро Шираиcидің өлім жазасы оның қорғаушылары берген апелляциялық өтінішті кері қайтарғаннан кейін 2021 жылы түпкілікті бекітілген.
Шираиcи құрбандарын алдау үшін “Twitter” желісін пайдаланған. Ол интернетте өз-өзіне қол жұмсау туралы жазған адамдарға "өлуге көмектесу" немесе олардың өз-өзіне қол жұмсауын "тамашалау" ұсынысын жасаған.
Шираиcи Токиоға жақын орналасқан пәтерінде құрбандарын өлтіріп, денелерін бөлшектеп, жасырғаны үшін кінәлі деп танылды. Сот шешіміне сәйкес, ол 2017 жылдың тамызының соңы мен қазанының соңына дейін 15 пен 26 жас аралығындағы сегіз әйел мен бір ер адамды үйіне шақырып, тұншықтырып өлтірген және мәйіттерін бөлшектеген.
Сондай-ақ оның барлық әйел құрбандарына жыныстық зорлық көрсетіп, ақшаларын ұрлағаны да анықталды.
