Израильдің Сыртқы істер министрлігі Газаға гуманитарлық көмек жеткізуге бағыт алған кемені тоқтатқаннан кейін, ондағы белсенділердің елден шығу үшін әуежайға жеткізілгенін хабарлады.

Министрлік сейсенбі күні таңертең жасаған мәлімдемесінде, Газаға аса қажет гуманитарлық жүк тасымалдаған “Madleen” кемесіндегі еріктілердің Бен Гурион әуежайына жеткенін және өз елдеріне қайту үшін Израильден кетуге дайындалып жатқанын абілдірді.

Министрлік кейбір белсенділердің бірнеше сағат ішінде елден кетуі мүмкін екенін атап өтті. "Егер олар депортация құжаттарына қол қоюдан және Израильден кетуден бас тартса, оларды елден шығару үшін Израиль заңына сәйкес сот органдарына жүгінеміз", - делінген мәлімдемеде.

Министрлік сондай-ақ "жолаушылардың елдерінен келген консулдар олармен әуежайда кездесті" деп мәлімдеді.

Израиль күштері дүйсенбі күні таңертең кемені басып алып, оны қоршаудағы аймаққа гуманитарлық көмек жеткізу миссиясын орындауына рұқсат бермеді.

Көмек кемесінде 12 экипаж мүшесі болған, оның ішінде Еуропа Парламентінің француз-палестиналық мүшесі Рима Хассан да бар.

Көмек миссиясына жалпы 12 адам қатысқан, олардың 11-і белсенді, ал біреуі журналист.

Кемедегі белсенділер арасында Германиядан Ясемин Акар, Франциядан Баптист Андре, Паскаль Мурьерас, Янис Мхамди және Рева Виард, Бразилиядан Тиаго Авила, Түркиядан Суайб Орду, Испаниядан Серхио Торибио, Нидерландтан Марко ван Реннес және Франциядан "Аль-Джазира Мубашер" журналисі Омар Файад болды.