Ресей Киевке түнде үлкен дрон және зымыран шабуылын жасады, нәтижесінде екі адам қаза тауып, кем дегенде 16 адам жарақат алды. Ресми тұлғалар астанада “бес ауданда өрт шықты”деп хабарлады.

Киев мэрі Виталий Кличконың айтуынша, құлатылған дрондар мен зымырандардың қалдықтары бірнеше тұрғын ауданына құлап, ғимараттарға зиян келтіріп, үлкен өрт тудырған.

Шевченковский ауданында құлаған нысандардың қалдықтары тұрғын үйлердің жоғарғы қабаттарына зиян келтіріп, өрт тудырды. Дарницкий ауданында гараждар мен жанармай бекеті өртенді. Соломенский ауданында тұрғындары көшірілген ғимараттың шатыры өртенді. Подольский ауданында бір клиника толықтай жойылды. Голосеевский ауданында дрон қалдықтары жүк көлігіне тиді.

АҚШ қару жіберуге уәде берді

Кличконың айтуынша, шабуыл кезінде екі адам қаза тауып, 16 адам жарақат алған, олардың оны ауруханаға жатқызылған. Қалың түтін қаланы жауып, билік тұрғындарға үйлерінің терезелерін жабуды ұсынды.

Шабуыл Киев облысына да әсер етті. Аймақтық әскери әкімшіліктің мәліметінше, үйлер мен шаруашылық ғимараттарға зиян келтіріліп, төрт ауданда өрт тіркелген. Обухов ауданында бір адам жарақат алып, ауруханаға жатқызылды.

“New York Times” дереккөздерінің айтуынша, Ресей президенті Владимир Путин украиналық қорғаныс орыс қысымын көтере алмайды деп үміттенеді.

Бұған дейін АҚШ Украинаға қару-жарақ жеткізуді тоқтатқан болатын. Ірі шабуылдардан кейін Трамп көмек көрсетуді қайта бастауға бұйрық беріп, Украинаға тағы бір “Patriot” әуе қорғаныс жүйесін беру мүмкін екенін білдірді.

«Оларға қатты соққы берілуде, өте қатты. Сондықтан бұл мәселені қарастырамыз», – деген еді ол.