ҒЫЛЫМ ЖӘНЕ ТЕХНОЛОГИЯ
2 ... минут оқылды
Жасанды интеллект адамдарға ақы төлейтін болады
Жасанды интеллект адамдарға тапсырма беріп, сол тапсырманы орындағаны үшін ақша төлейтін жүйелер пайда бола бастады.
Жасанды интеллект адамдарға ақы төлейтін болады
Жасанды интеллект
 

Бүгінде жасанды интеллект технологиялары қоғамда кеңінен талқыланып жатқан негізгі тақырыптардың біріне айналды.

Жасанды интеллект адамзатты бақылауына ала ма немесе өркениетке қауіп төндіре ме?  Әзірге бұл сұрақтың нақты жауабы жоқ. Дегенмен бұл технологиялардың қарқынды дамып, күнделікті өмірдің ажырамас бөлігіне айналып келе жатқаны анық.

Осы тұрғыда АҚШ-та талқыланып жатқан мәселелердің бірі — жасанды интеллекттің адамдарға белгілі бір тапсырмалар беріп, әр орындалған тапсырма үшін ақы төлеуі.

Сарапшылардың пікірінше, бұл үрдіс болашақта жаңа мүмкіндіктермен қатар белгілі бір қауіптерге де жол ашуы мүмкін.

Киберқауіпсіздік маманы Бурак Бозкуртлар жасанды интеллекттің адамдарға ақылы тапсырмалар беру жүйесінің қалай жұмыс істейтінін түсіндірді.

«Алдымен дүкендегі сөрені суретке түсіру секілді қарапайым тапсырмалардан басталады»

Бозкуртлардың айтуынша, бұл үдеріс бастапқыда қарапайым тапсырмалардан басталады. Технологиялық компаниялар адамның тұратын жері, күнделікті әдеттері мен жиі жүретін бағыттары туралы мәліметтерді жасанды интеллект жүйелеріне бере алады.

Мәселен жасанды интеллект сіз тұратын жердегі бір дүкеннің жеміс-жидек, көкөніс бөлімін суретке түсіру туралы тапсырма ұсына алады. Дүкенге барып, қажетті суретті түсіріп, оны жасанды интеллект қосымшасына жүктеген адам тапсырманы орындағаны үшін ақша алады.

Бозкуртлар: «Келісімді мақұлдаған кезде көрсеткен банк шотыңызға ақша аударылуы мүмкін. Тапсырмаларды орындаған сайын көбірек табыс табасыз, ал табысыңыз артқан сайын жаңа тапсырмалар алуға ұмтыласыз», — дейді.

«Бұл қауіпті үдеріске жол ашуы мүмкін»

Алайда Бурак Бозкуртлар кейін мұндай тапсырмалардың сипаты өзгеріп, қауіп тудыруы мүмкін екенін ескертеді. Мәселен белгілі бір жерді тұрақты түрде суретке түсіру, мемлекеттік мекеменің кіреберісін видеоға түсіру немесе нақты бір көлік пен адамның суретін жүйеге жүктеу секілді тапсырмалар берілуі ықтимал.

Бозкуртлар: «Бүгін дүкендегі жеміс-жидек, көкөніс бөлімін суретке түсіруді сұраған жүйе ертең өзі үшін маңызды, ал сіз үшін қарапайым болып көрінетін нысанды суретке түсіруді талап етуі мүмкін. Адамдар мұны пайдалы іс деп ойлап, әрі ақша табу үшін тапсырмаларды орындауды жалғастыра беруі ықтимал. Алайда түптеп келгенде мұндай өзгерістер қауіпті үдеріске жол ашуы мүмкін», — деді.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»