Сирияның солтүстігіндегі Алеппо аймағының Дейр Хафер ауданында Сирия Демократиялық Күштері (СДК) деп аталатын террор ұйымының шабуылынан сириялық екі сарбаз қаза тапты. Бұл туралы Сирия ақпарат агенттігі хабарлады.
Сирия Қорғаныс министрлігінің мәлімдемесінде СДК-ның соңғы уақытта Алеппоның шығыстағы ауылдары мен қалаларын снаряд және зымырандармен атқылағаны, бұл әрекеттердің әскери қызметкерлер мен бейбіт тұрғындар арасында шығын әкелгені білдірілді.
СДК негізінен “YPG” лаңкестік тобының басшылығымен жұмыс істейді, ол “PKK” лаңкестік ұйымының Сириядағы тармағы болып табылады.
Түркия, АҚШ және Еуропалық Одақ “PKK”-ны лаңкестік ұйым ретінде таниды.
Бұл шабуыл Сирияның солтүстігінде азаматтық және әскери нысандарға қарсы жасалған шабуылдардың соңғысы болды.
10 наурызда Сирия басшылығы СДК-ны мемлекеттік институттарға біріктіру туралы келісім жасалғанын жариялаған болатын.
