Иран президенті Масуд Пезешкиан еліне жасалып жатқан экономикалық қысымға назар аударып, оның әскери жетістіктерге кері әсер етуі мүмкін екенін айтты.

Пезешкиан Тегеранда өткен Жоғары сот кеңесінің отырысында күн тәртібіндегі мәселелерге қатысты пікір білдірді.

«Дұшпанға» қарсы нық ұстаным танытылған жағдайда қоғамның бірқатар қиындыққа тап болуы мүмкін екенін айтқан Пезешкиан Наурыз мерекесі, Рамазан айы мен соғыстың бір кезеңге тұспа-тұс келгенін атап өтті. Оның айтуынша, нарықта тауар тапшылығы болмаса да, кейбір өнімдердің бағасы өскен. Бұл үкіметтің салғырттығынан емес, экономикалық жағдай мен бірқатар шектеулерден туындаған.

Елінің қазіргі таңда жан-жақты соғыс жағдайында екенін атап өткен Пезешкиан: «Экономикалық қысым әскери жетістіктерімізге кері әсер етуі мүмкін. Қарулы күштер елді жанқиярлықпен қорғап жатыр. Алайда экономикалық қысым қоғамда наразылықтың күшеюіне әкеледі. Егер бұл наразылық кең тараса, халықтың билікке деген қолдауы әлсіреуі мүмкін», – деді.