Түркия Ұлы Ұлттық Мәжілісі төрағасы Нуман Куртулмуш Біріккен Ұлттар Ұйымынан Израильдің мүшелігін тоқтатуды сұрады. Ол палестиналық тұтқындарға өлім жазасын енгізу бастамасын сынға алып, апартеид дәуірінде Оңтүстік Африкаға қарсы жасалған халықаралық операцияны мысал ретінде келтірді.
Стамбулда өткен Парламентаралық одақтың 152-ші Бас ассамблеясында сөз алған Куртулмуш халықаралық қауымдастықтың бұрын апартеидке қарсы әрекет еткенін және 1974 жылы Оңтүстік Африканың БҰҰ-дағы мүшелігі тоқтатылғанын еске салды.
Ол Израильдің де осыған ұқсас саясат жүргізіп отырғанын айтып, «Бір елде палестиналықтарға басқа, израильдіктерге басқа заң қолдану апартеид емес пе?», - деді.
Куртулмуш сондай-ақ БҰҰ-ны сынға алып, ұйымның соңғы қақтығыстарды тоқтата алмағанын және әсіресе Газадағы зорлық-зомбылықтың алдын алуда әлсіз болғанын айтты.
«Өкінішке қарай, Біріккен Ұлттар Ұйымы күш иелерінің қалауына бағытталған халықаралық құрылымға айналды», – деді ол.
Реформа үндеуі
Нуман Куртулмуш Таяу Шығыстағы көптеген мемлекеттің егемендігінің бұзылғанын атап өтіп, барлық елдің егемендік құқықығы тең ие екенін мәлімдеді.
Куртулмуш бағдарлама аясындағы қосымша іс-шарада Халид Әл Мауалимен кездесті. Оманның араағайындық күш-жігеріне алғыс білдіріп, атысты тоқтату режимін тұрақты ету үшін Пәкістанда келіссөздерді қайта бастауға шақырды.
Куртулмуш Израильдің әрекеттері Парсы шығанағындағы елдер мен Иран арасындағы шиеленісті арттыратынын ескертті.
Сондай-ақ ол Түркияның Парламентаралық одақтың Бас ассамблеясына төртінші рет төрағалық етіп отырғанын және Стамбулда шамамен 155 елдің өкілдері жиналғанын айтты.
