ТҮРКИЯ
2 ... минут оқылды
ЕО Даму Банкі Түркияға инвестиция салуды жоспарлауда
Банктің Бірінші вице-президенті Грег Гайеттің айтуынша, Еуропалық Қайта құру және Даму Банкі биыл Түркияда энергетика, инфрақұрылым және басқа да салаларды қамтитын 42 жобаға 2,5 миллиард доллардан астам инвестиция салған.
ЕО Даму Банкі Түркияға инвестиция салуды жоспарлауда
ЕО Даму Банкі Түркияға инвестиция салуды жоспарлауда / AA
 

Еуропалық Қайта құру және Даму Банкі Түркиядағы қызметін және инвестиция көлемін арттырып келеді. Банк елдің инновациялық экономикасына, жасыл трансформациясына және Еуропа мен Азия арасындағы стратегиялық рөліне сенім артып, инвестиция салуда.

Ресми сапары барысында Анадолы агенттігіне сұхбат берген банктің Бірінші вице-президенті Грег Гайетт биыл энергетика, инфрақұрылым, шағын және орта бизнес, корпоративтік даму және инновация бағыттарын қамтитын 42 жобаға шамамен 2,55 миллиард доллар бөлінгенін айтты.

Гайетт: «Жыл соңына дейін өткен жылғы нәтижеге жету немесе одан да асып түсу мүмкіндігіміз өте жоғары деп ойлаймын», - деді. Ол 2024 жылы банктің Түркиядағы инвестициясы 3,01 миллиард долларға жетіп, рекорд жаңартқанын еске салды.

Гайетт Стамбулдың банктің жаһандық операцияларындағы өсіп келе жатқан рөлін атап өтіп, Еуропалық Қайта құру және Даму Банкінің өңірлік орталықтарының бірі дәл осы қалада орналасатынын баса айтты. «Стамбулда қызметкерлер санын арттырамыз. Түркияда мықты мамандардың көптігі қуантады», - деді.

Сонымен қатар Түркияның географиялық және геосаяси орналасуы елді деректер және сауда үшін маңызды хабқа айналдырып отырғанын айтты. Жаһандық геосаяси өзгерістерге байланысты деректердің бөлінуі және деректерді жергілікті сақтау үрдісі өсіп келе жатқандықтан Түркияның бұл салада орталық рөл атқара алатынын жеткізді.

Банк сондай-ақ Түркияның жер сілкінісінен кейінгі қалпына келтіру бағдарламасына  қолдауын арттырды. Қайта құру жұмыстары мен зардап шеккен қауымдастықтарды қолдау үшін 1,83 миллиард доллар бөлді. Гайетт: «Мен үшін ең мақтанарлық дүниенің бірі ˗ аймақтағы баспанасынан айырылған адамдарға көрсеткен қолдауымыз. Тұрғын үй, баспана, шағын және орта бизнес бастамалары арқылы жұмыс орындарын құру»,- деді.

Ол жер сілкінісінен зардап шеккен өңірлерге, әсіресе тұрғын үй салу және жұмыспен қамту мәселелерінде қосымша инвестиция жоспарланып отырғанын, кейбір аймақтардың ерекше қолдауды қажет ететінін атап өтті.

Әлемдік экономикалық белгісіздікке қарамастан, Гайетт банктің Түркияның ұзақ мерзімді әлеуетіне сенімді екенін айтты. Оның айтуынша, елдің жас, жақсы білім алған халқы ˗ үлкен артықшылық.

Сондай-ақ ол Түркияның қазіргі экономикалық саясаты инфляцияны ауыздықтауға көмектесетініне сенім білдіріп, «Қазіргі саясат инфляцияны төмендетуге көмектеседі деп үміттенеміз»,- деді.

 

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»