Иранның Денсаулық сақтау министрлігі елде АҚШ пен Израиль бірлесіп жасаған шабуылдар салдарынан қаза тапқан адам саны 926- ға жеткенін хабарлады.
Министрлік өкілі Хоссейн Керманпур 28 ақпан мен 4 наурыз аралығында жергілікті уақыт бойынша сағат 17:00-ге дейін жасалған шабуылдарда 6 186 адамның жараланғанын айтты.
“X” платформасында жарияланған мәлімдемеде Керманпур жараланғандардың 2 054-і қазіргі уақытта ауруханаларда ем алып жатқанын айтты.
Керманпур жараланғандарға осы уақытқа дейін 502 хирургиялық ота жасалғанын да қосты.
Министрліктің мәліметінше, қаза тапқандардың 13 пайызы — әйелдер, 87 пайызы — ер адамдар.
Керманпурдың айтуынша, қаза тапқандардың 180-і 18 жасқа толмаған, олардың ішінде бес жасқа толмаған үш бала бар.
Израиль мен АҚШ сенбі күнінен бері Иранға қарсы ауқымды шабуылдарын жалғастырып келеді. Бұл шабуылдарда жүздеген адам қаза тапқан, олардың қатарында Жоғарғы жетекші Әли Хаменеи мен жоғары лауазымды тұлғалар да бар.
Ал Иран өз кезегінде Израильге және АҚШ әскери күштері орналасқан Парсы шығанағы елдеріне қарсы дрон мен зымыран арқылы соққы беріп жауап қайтарды.
