Түрік қорғаныс компаниясы “ASELSAN”Стамбулдағы “TEKNOFEST” фестивалінде «Болат күмбез» тәжірибе алаңын құрып, келушілерге әуе қауіптеріне қарсы жүйенің қалай жұмыс істейтінін тамашалау мүмкіндігін ұсынып отыр.
Бес күнге созылатын технология және авиация фестивалі “TEKNOFEST” сәрсенбі күні Стамбулда басталды. Іс-шараны Түркия технология командасы (T3) қоры мен Түркияның Индустрия және технология министрлігі ұйымдастыруда.
Фестиваль аясында технологиялық жарыстардан бастап әуе көрсетілімдеріне дейін көптеген іс-шара өтуде. Сондай-ақ «Болат күмбез» әуе қорғаныс жүйесінің әртүрлі құрамдас бөліктері де көрмеге қойылған. Заманауи технологиялар арқылы «Болат күмбездің» құрамдас бөліктерінің қауіпке қарсы қалай төтеп беретіні көрсетілді.
Түрік компаниясы “TF6000”-ді сынақтан өткізді
“TUSAŞ” Қозғалтқыш Өндірісі ЖШС (TEI) толықтай отандық турбожелдеткіш қозғалтқышы “TF6000”-ды сынақтан өткізді.
“TUSAŞ” Қозғалтқыш Өндірісі ЖШС-ның бас директоры Махмут Акшит бұл қозғалтқыштың Түркияның “Anka 3” сияқты ұшқышсыз әуе аппараттары үшін жасалғанын атап өтті. Сондай-ақ Акшит 10.000 фунт (lbf) немесе одан да жоғары тарту күшіне ие “TF10000” қозғалтқышының Түркияның “Kızılelma”сияқты үлкен ұшақтарында қолданылатынын мәлімдеді.
