ӘЛЕМ ЖАҢАЛЫҚТАРЫ
1 ... минут оқылды
Ливияда жалпыұлттық аза тұту күні жарияланды
Түрік ресми өкілдері Ливияның Бас штаб бастығы Мұхаммед әл-Хаддад пен төрт жоғары лауазымды офицердің Анкараның оңтүстігінде болған ұшақ апатынан қаза тапқанын хабарлады.
Ливияда жалпыұлттық аза тұту күні жарияланды
Ливияда жалпыұлттық аза тұту күні жарияланды / AA
 

Ливия Мұхаммед әл-Хаддад пен төрт жоғары лауазымды әскери шенеуніктің Анкара маңында болған ұшақ апатынан қаза табуына байланысты үш күндік ұлттық аза тұту жариялады.

Ливияның Ұлттық бірлік үкіметі сейсенбі күні жасаған мәлімдемесінде марқұмдардың отбасыларына және Ливия Қарулы күштеріндегі әріптестеріне көңіл айтты. Мәлімдемеде үш күндік аза тұту кезеңінде барлық мемлекеттік мекемелерде тулардың төмен түсірілетіні, ресми және мерекелік іс-шаралардың тоқтатылатыны атап өтілді.

Мәлімдемеде «Ұлттық бірлік үкіметі қаза тапқандардың отбасыларына және Қарулы күштер қатарындағы әріптестеріне шын жүректен көңіл айтады», - делінген. Сондай-ақ марқұмдарға Алладан рақым, жақындарына сабыр тіледі.

Бұған дейін Ливия президенттік кеңесінің төрағасы Мұхаммед Менфи Түркия астанасы Анкара маңында болған ұшақ апатынан қаза тапқан Мұхаммед әл-Хаддад пен төрт жоғары лауазымды әскери шенеунікке байланысты көңіл айтқан болатын.
«X» желісінде жарияланған мәлімдемесінде Менфи бұл апатты «Ливияның әскери құрылымы мен бүкіл ұлт үшін үлкен қайғы» деп бағалады.

Менфи: «Ливия ел үшін қызмет етуді мақсат еткен, қиын жағдайда жауапкершілік алған, міндеттерін тәртіппен адал орындап, ұлттың мүддесін, қауіпсіздігі мен тұрақтылығын бәрінен биік қойған ұлттық армия басшыларынан айырылды», - деді.

Ол марқұмдардың отбасыларына және Қарулы күштер қызметкерлеріне тағы да көңіл айтты.

Түркияның Ішкі істер министрі Али Йерликая бұған дейін әл-Хаддад мінген және Триполиге бет алған «Falcon 50» үлгісіндегі ұшақтың қалдықтары Анкара маңындағы Хаймана ауданының оңтүстігінен табылғанын мәлімдеген болатын.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»