Түркия Республикасының президенті Режеп Тайып Ердоған сәрсенбі күні Каирден қайтар жолда ұшақта жасаған мәлімдемесінде отандық өнім “KAAN” жойғыш ұшағының жоғары бағаға ие болғанын атап өтіп, Түркия мен Сауд Арабиясының қорғаныс өнеркәсібіндегі ынтымақтастығын арттыратынын айтты.

Ердоған журналистерге берген сұхбатында “KAAN”-ға қатысты көптеген жақсы пікір естідік. Оның үстіне, бұл мәселеде Сауд Арабиясымен бірлескен инвестиция туралы сөз болып жатыр. Біз бұл бірлескен инвестицияны кез келген уақытта жүзеге асыра аламыз», — деді.

Ердоған Анкара мен Эр-Риядтың қорғаныс саласында «маңызды» келісімдерге қол қойғанын айтып, Түркияның бұл серіктестікті кеңейткісі келетінін жеткізді.

Иран мен АҚШ арасындағы шиеленіс туралы да сөз қозғаған президент екі ел арасындағы түйткілдер диалог арқылы шешіледі деп үміттенетінін және келіссөз үстелінің құрылуы маңызды екенін атап өтті.

Газадағы жағдайға да тоқталған президент Түркияның Газа бейбітшілік жоспарының «тиісті деңгейде» орындалуын қамтамасыз ету және аймақта бейбітшілік пен тұрақтылықты қайта орнату үшін белсенді рөл атқаратынын айтты.