Иран АҚШ-пен келісімге келуге аз қалғанда Вашингтонның Исламабадтағы келіссөздерді тығырыққа тірегенін білдірді.
Аракчидің айтуынша, тараптар Исламабадта өзара түсіністік туралы меморандумына қол жеткізуге аз қалғанда АҚШ тарапынан «максимализмге, үнемі өзгеріп отыратын мақсаттарға және блокадаға» тап болған.
Аракчи: «Ізгі ниет ізгі ниетті тудырады. Дұшпандық дұшпандықты тудырады», - деп қосты.
Келіссөздер нәтиже бермеді
Бұл мәлімдемелер АҚШ Орталық қолбасшылығының дүйсенбіден бастап Иран порттарына кіретін және шығатын барлық теңіз көліктеріне блокада енгізетінін жариялағаннан кейін жасалды.
Бұл блокада Ормуз бұғазы арқылы Ираннан өзге порттарға қатынайтын кемелерге қолданылмайды.
Пәкістанның араағайындығымен сенбі күні өткен келіссөздер көптеген кездесу мен ұсыныстан кейін аяқталды, алайда айтарлықтай ілгерілеуге қол жеткізілмеді.
Екі тарап та негізгі келіспеушіліктерді шеше алмады және бұдан әрі дипломатиялық күш-жігер қажет болатынын білдірді.
