ӘЛЕМ ЖАҢАЛЫҚТАРЫ
2 ... минут оқылды
Нигерия армиясы ДАИШ-пен байланысы бар террористерді залалсыздандырды
Билік өкілдері террористер пайдаланған логистикалық нысандардың да жойылғанын хабарлады.
Нигерия армиясы ДАИШ-пен байланысы бар террористерді залалсыздандырды
Нигерия армиясы ДАИШ-пен байланысы бар террористерді залалсыздандырды. / AP

Ресми мәліметке сәйкес, Нигерия күштері елдің солтүстік-шығысындағы Борну штатында жүргізілген операциялар барысында ДАИШ-пен байланысы бар ISWAP террористік ұйымының кемінде 25 мүшесін залалсыздандырды.

Нигериядағы “Channels Television” телеарнасының хабарлауынша, Аймақтық қолбасшылықтың медиа-ақпарат жөніндегі жауапты өкілі Сани Уба жексенбі күні жасаған мәлімдемесінде бөлімшелердің Лиманкара және Кукава аймақтарында ISWAP-ке қарсы операциялар жүргізгенін айтты.

Убаның сөзінше, «қақтығыс кезінде 15 террорист залалсыздандырылды, ал көптеген адам жаралы күйде қашып кетті». Ол сондай-ақ әуе барлау топтарының қашқан террористерді бақылап отырғанын, осының нәтижесінде жасалған тағы бір дәл соққы арқылы «тағы 10 террористің залалсыздандырылғанын» жеткізді.

Уба террористер пайдаланған ірі көлемдегі қорғаныс және логистикалық құрылымдардың да жойылғанын білдірді.

Сонымен қатар террористерге тиесілі екі көлік, көптеген қару-жарақ пен оқ-дәрі тәркіленді.

Нигерия ұзақ уақыт бойы қарулы топтармен, сондай-ақ Boko Haram және ISWAP сияқты террористік ұйымдардың елдің әртүрлі аймақтарындағы шабуылдарымен күресіп келеді.

АҚШ президенті Дональд Трамп Нигериядағы христиандардың «қудалауға ұшырап жатқанын» және «террористер» жүзеге асырған «геноцидтің» құрбаны болып отырғанын мәлімдеген болатын.

Алайда Абуджа билігі мен көптеген тәуелсіз сарапшы Нигериядағы зорлық-зомбылық христиандар мен мұсылмандарды қамтитынын айтады.

25 желтоқсанда АҚШ әскері Нигерияның Сокото штатында әуе соққыларын жасады.

Нигерия билігі бұл операциялардың өздерімен үйлестірілгенін және ДАИШ-пен байланысы бар террористерді нысанаға алғанын хабарлады.

Осы айдың басында Батыс Африка еліндегі қауіпсіздіктің нашарлауына қарсы күрес аясында артқан әскери ынтымақтастық шеңберінде шамамен 100 америкалық сарбаз Нигерияға орналастырылды. Алайда Нигерия тарапы бұл АҚШ сарбаздарының қақтығыстарға тікелей қатыспайтынын мәлімдеді.

ҚатыстыTRT Қазақ - Түркия мен Нигерия сауда көлемін арттырды
Іздеу
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”
АҚШ және 9 ел жасанды интеллект қауіпсіздігі саласындағы ынтымақтастықты нығайтады
Эстония 1 желтоқсаннан бастап Ресеймен шекарасын жабады
Израильде сайлау кезіндегі арандатушылыққа Нетаньяхудың қатысы бар деген күдік туды
«Түркия Палестинаны қолдауды жалғасырады»
НАТО-ның келесі саммиті Албанияда өтеді
Президент Ердоған: «Палестина күресін барлық мінберде қорғаймыз»
Президент Ердоған COP31 аясында қарқынды дипломатиялық кездесулер өткізуде
Украина Ресейдің Волгоград қаласына шабуыл жасады
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр