Президент Режеп Тайып Ердоғанның көптен бері БҰҰ жүйесінде реформа үшін жиі қайталайтын «Әлем бестен үлкен» және «Әділ әлем мүмкін» ұрандары оның суретімен бірге Нью-Йорктың орталық көшелері мен даңғылдарындағы алып экрандарда көрсетілді.

БҰҰ Қауіпсіздік Кеңесі ұзақ жылдар бойы вето құқығына ие 5 мүшесінің (АҚШ, Ұлыбритания, Франция, Ресей және Қытай) шамадан тыс ықпалы үшін сынға алынып келеді.

Президент Ердоған сейсенбі күні БҰҰ Бас Ассамблеясының 80-ші сессиясында Біріккен Ұлттар Ұйымында реформа жүргізу туралы талабын тағы да қайталады.

«Әділ әлем мүмкін»

Ердоған: «80 жылдық мерейтойда Біріккен Ұлттар Ұйымын құрылған кезіндегі рухына қайтаратын қадам басу– барлығымыздың ортақ жауапкершілігі. Біз күштінің емес, әділдің үстем болатын жүйе орнағанға дейін ‘Әлем бестен үлкен’ деп айта береміз», – деді.

Президенттің «Әділ әлем мүмкін» деген сөзі Таймс алаңындағы LED экрандарда да көрсетілді.