САЯСАТ
2 ... минут оқылды
Иран АҚШ-пен келіссөз жүргізуге дайын екенін мәлімдеді
Иранның Сыртқы істер министрі Аббас Аракчи Тегеранның өзара құқық пен әділетке негізделген келіссөз жүргізе алатынын айтты.
Иран АҚШ-пен келіссөз жүргізуге дайын екенін мәлімдеді
Иран АҚШ-пен келіссөз жүргізуге дайын екенін мәлімдеді / AA
 

Иранның Сыртқы істер министрі Аббас Аракчи дүйсенбі күні жасаған мәлімдемесінде, Тегеран соғысқа толық дайын екенін жарияласа да, АҚШ-пен келіссөз жүргізу мүмкіндігін де қарастыратын жеткізді.

Аракчи мемлекеттік телеарнада Тегерандағы шетелдік елшілерге қарата сөйлеген сөзінде Иранның соғысты қаламайтынын, алайда өзін қорғауға дайын екенін атап өтті.

Аракчи: «Иран Ислам Республикасы соғысты қаламайды, бірақ соғысқа толық дайын. Біз келіссөздерге де дайынбыз, алайда бұл келіссөздер әділдікке, тең құқықтарға және өзара құрметке негізделуі тиіс», - деді.

Қатаң шаралар

АҚШ президенті Дональд Трамп Ирандағы наразылықтарға араласуға байланысты әскери операция жүргізу қаупін төндіргеннен кейін Иран билігінің келіссөз жүргізгісі келетінін айтқан болатын.

Трамп жексенбі күні жасаған мәлімдемесінде әкімшілігінің Ирандағы жағдайды мұқият бақылап отырғанын және жалғасып жатқан шерулер кезінде жүздеген адамның қаза тапқаны туралы хабарлардан кейін өте қатаң шаралар қарастырып жатқанын айтты.

Флоридадағы Мар-а-Лаго резиденциясынан Вашингтонға қайтар жолда Трамп: «Армия жағдайды зерттеп жатыр, біз де өте қатаң шараларды қарастырудамыз. Бір шешім қабылдаймыз», - деді.

Трамп сондай-ақ АҚШ-тың қашан, қай жерде немесе қалай әрекет ететіні жөнінде нақты мәлімет бермей, Иранға қатысты сағат сайын ақпарат алып отырғанын жеткізді.

Ирандағы наразылықтар

Иранда экономикалық жағдайдың нашарлауына байланысты желтоқсан айының соңынан бері наразылықтар жалғасып келеді.

АҚШ-та орналасқан «HRANA» адам құқықтарын қорғау ұйымы 490 шеруші мен 48 қауіпсіздік қызметкерінің қаза тапқанын, 10 600-ден астам адамның тұтқындалғанын хабарлады. Алайда Иран тарапынан адам шығынына қатысты әзірге ресми мәлімдеме жасалған жоқ.

АҚШ маусым айында болған Иран-Израиль соғысы кезінде Иранның үш маңызды ядролық нысаны Фордо, Натанз және Исфаханға әуе шабуылдарын жасаған болатын.

Трамп жаппай интернет істен шыққан Иранда интернетке қолжетімділікті қайта қалпына келтіру жолдарын қарастырып жатқанын және бұл мәселе бойынша Илон Маскпен кездесуді жоспарлап отырғанын айтты.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»