Ким Чен Ын Мемлекеттік істер комиссиясының төрағасы ретінде қайта сайланды
Солтүстік Корея Жоғарғы халық мәжілісі Ким Чен Ынды Мемлекеттік істер комиссиясының төрағасы ретінде қайта сайлады. Негізгі кадрлық өзгерістер стратегиялық өзгерістерді аңғартты.
Мемлекеттік БАҚ хабарлағандай Солтүстік Кореяның Жоғарғы халық мәжілісі Ким Чен Ынды Мемлекеттік істер комиссиясының төрағасы қызметіне қайта сайлады. Бұл – оның осы лауазымдағы үшінші мерзімі.
2016 жылы құрылған бұл комиссия ̶ Пхеньяндағы ең жоғары орган.
Мәжілісте маңызды кадрлық өзгерістер болды. Ким Чен Ынның көмекшісі Чо Ён Вон елдегі ең жоғары парламенттік лауазым Жоғарғы халық мәжілісі Тұрақты комитетінің төрағасы болып тағайындалып, Чхве Рён Хэнің орнына келді. Сонымен қатар ол Мемлекеттік істер комиссиясы төрағасының орынбасары қызметін де атқарады.
Премьер-министр Пак Тхэ Сон өз қызметінде қалды, ал бұрынғы премьер Ким Ток Хун бірінші вице-премьер лауазымына тағайындалды.
Ал Ким Чен Ынның қарындасы Ким Ё Чжон Мемлекеттік істер комиссиясындағы қызметінен босатылды.
Отырыста сондай-ақ конституциялық өзгерістер, бес жылдық ұлттық даму жоспары және 2026 жылғы мемлекеттік бюджет қаралды.
Мұндай парламент отырыстары әдетте партия құрылтайынан кейін өткізіліп, онда қабылданған шешімдерді қолдайтын заң күшіне енеді. Бұл Солтүстік Кореядағы билік құрылымының сабақтастығы мен стратегиялық жоспарлаудың жалғасып жатқанын көрсетеді.