Иран Кувейттің мұнай танкеріне соққы берді
Дубайда шикі мұнай тиелген Кувейттің “Al Salmi” кемесі Иранға тиесілі болуы мүмкін дрон шабуылынан кейін зақымданды. Билік өкілдері мұнай төгілмегенін хабарлады.
Кувейт мұнай компаниясы сейсенбі күні Дубай портында тұрған Кувейттің алып шикі мұнай танкері “Al Salmi” ирандық өндірістегі ұшқышсыз ұшу аппаратының шабуылына ұшырағанын хабарлады.
Компанияның мәліметінше, танкерге жергілікті уақытпен 00:10-да шабуыл жасалған.
Кувейттің “KUNA” ақпарат агенттігі жариялаған мәлімдемеге сәйкес, шабуыл салдарынан танкер корпусы зақымданып, өрт шыққан.
Дубай медиа кеңсесі оқиға салдарынан ешкімнің зардап шекпегенін және танкердегі 24 экипаж мүшесі аман екенін хабарлады.
Дубай билігі жедел әрекет ету топтары «жағдайды бақылауға алғанын» және мұнай төгілмегенін хабарлады.