Ресейдің жеке әскери компаниясы Вагнер Батыс Африкадағы Мали елінен шығып, үш жылдан астам уақытқа созылған операцияларын аяқтағанын хабарлады.

Аталмыш топ «Біз жергілікті патриоттарға өз жерін қорғай алатын мықты әрі тәртіпті армия құруға көмектестік. Барлық аймақтық астаналар заңды биліктің бақылауына қайтарылды», – деп мәлімдеді.

Әскери топ сонымен бірге «Біз жылдар бойы бейбіт тұрғындарды үрейлендіріп келген мыңдаған содыр мен олардың қолбасшыларын жойдық», – деп өз сөзін толықтырды.

Сахел аймағында орналасқан Мали елі 2012 жылдан бері көтерілістерден зардап шегіп келеді.

Вагнердің орнына Рейдің “Африка корпусы” барады

Елдегі әскери хунта Франция және басқа серіктестермен байланысын үзгеннен кейін Ресейден қолдау сұраған болатын.

Вагнердің мәлімдемесіне қарағанда, Ресейдің Батыс Африкадағы болмысы жалғасады. Бұл ретте Ресейдің мемлекеттік бақылауындағы “Африка корпусы” Мали елінде жұмысын жалғастырады.

Биылғы жылы Мали, Буркина-Фасо және Нигер елдері, әскери билік орнаған үш мемлекет, Батыс Африканың аймақтық “ECOWAS” блогынан ресми түрде шықты.

Олар өздерінің жаңа блогын – Сахел мемлекеттерінің альянсын құрды.