Түркия президенті Режеп Тайып Ердоған мен Оман сұлтаны Хайсам бин Тарик телефон арқылы сөйлесіп, екіжақты қарым-қатынастар мен аймақтық мәселелерді талқылады.
Түркия Президент аппараты жанындағы Коммуникация басқармасының сәрсенбі күні жасаған мәлімдемесіне сәйкес, Ердоған телефон әңгімесінде «Иранға жасалған шабуылдар және Иранның өңірдегі бауырлас елдерге қарымта әрекеттері аймақты бұрын-соңды болмаған қауіпсіздік дағдарысына әкелуі мүмкін. Оманға бағытталған шабуылдар да қабылданбайды», – деді. Президент дипломатиялық бастамалардан бас тартпағандарын айтты.
Сонымен қатар Ердоған Беньямин Нетаньяху үкіметінің басып алынған Шығыс Иерусалимдегі Әл-Ақса мешітіне мұсылмандардың кіруіне кедергі келтіруін «қабылдауға болмайды» деп бағалап, Газадағы халықтың әлі де гуманитарлық көмекке мұқтаж екенін атап өтті. Сондай-ақ Бейбітшілік кеңесінің жұмысы екі мемлекетке негізделген мақсат аясында жалғасуы тиіс екенін жеткізді.
Телефон әңгімесінде Ердоған Хайсам бин Тарикты айт мерекесімен құттықтады.
