Мысырдың Туризм және көне жәдігерлер министрлігі Пенсильвания университетінің мысырлық-америкалық бірлескен археологиялық тобы елдің оңтүстігіндегі Абидос қаласында орналасқан Джебель Анубис некрополінен Екінші аралық кезеңге жататын патшалық қабірді тапқанын хабарлады.
Министрліктің мәлімдемесіне сәйкес Мысырдың Жоғарғы көне жәдігерлер кеңесіне қарасты басқа археологиялық топ Сохаг провинциясына қарасты Банавит ауылынан Рим дәуіріне тиесілі қыш шеберханасын анықтады.
"Абидос қаласындағы патшалық қабірдің табылуы Джебель Анубис некрополіндегі патша жерлеулерінің даму тарихына қатысты жаңа ғылыми дәлелдер ұсынады" делінген хабарламада. Аталған қабірлер б.з.д. 1700-1600 жылдарға тиесілі екені көрсетілген.
Банавиттегі қыш шеберханасының көне дәуірде өңірге қыш және шыны өнімдерін жеткізетін ең ірі өндіріс орталықтарының бірі болғаны айтылуда.
Министрлік бұл жаңалықтардың тек Мысырдың туристік әлеуеті мен ежелгі өркениетін әлемге танытып қана қоймай, зерттеушілер үшін де аса маңызды деректер беретінін мәлімдеді.
