ӘЛЕМ ЖАҢАЛЫҚТАРЫ
2 ... минут оқылды
Ресей мен Қытай 20 құжатқа қол қойды
Мәскеу мен Бейжің өз экономикаларын жаһандық нарықтағы ауытқулардан қорғау және АҚШ долларына тәуелділікті азайту мақсатында ұлттық валюталармен жасалатын сауда төлемдерін кеңейту жұмыстарын үдетіп жатыр.
Ресей мен Қытай 20 құжатқа қол қойды
Ресей мен Қытай 20 құжатқа қол қойды / Reuters

Ресей президенті Владимир Путин мен Қытайдың мемлекет басшысы Си Цзиньпин арасында сәрсенбі күні Бейжіңде өткен келіссөздерден кейін Ресей мен Қытай экономика, энергетика, көлік және халықаралық ынтымақтастық салаларын қамтитын 20 құжатқа қол қойды.

Екі ел басшысы әріптестікті одан әрі нығайту мен Ресей және Қытай арасындағы қарым-қатынастарды тереңдету туралы бірлескен мәлімдемемен қатар көпполярлы әлемнің қалыптасуы және халықаралық қатынастардың жаңа типіне қатысты ортақ декларация қабылдады.

Симен кездесуден кейін ұйымдастырылған баспасөз мәслихатында сөйлеген Путин Мәскеу мен Бейжің сыртқы қысымдардан және жаһандық нарықтағы құбылмалылықтан қорғалған тұрақты екіжақты сауда жүйесін құрғанын айтты.

Сауда-саттықты рубль мен юань арқылы жүргізу экономикалық ықпалдастықты «сыртқы әсерлерден» қорғауға септігін тигізетінін және екі ел арасындағы сауда байланыстарының тұрақтылығын қамтамасыз ететінін түсіндірген Путин: «Ресей мен Қытайдың арасындағы төлемдерді ұлттық валютаға көшіру бойынша басқан үйлесімді қадамдарының маңызы зор. Нәтижесінде Ресей-Қытай экспорт-импорт операцияларының барлығы дерлік рубль және юаньмен жүзеге асырылып жатыр», — деді.

Путин сонымен қатар Ресейдің Қытайға мұнай мен газды үздіксіз жеткізуді жалғастыруға дайын екенін және Ресейдің «Росатом» ядролық корпорациясы екі ел арасындағы кең ауқымды энергетикалық ынтымақтастықтың бір бөлігі ретінде Қытайдағы атом электр станцияларында жаңа энергия блоктарының құрылысын аяқтап жатқанын атап өтті.

Ресей басшысы Ресей-Қытай әріптестігін халықаралық қатынастардағы тұрақтандырушы фактор ретінде де сипаттады.

Бұған қоса Путин екі ел арасындағы туризмді жандандырып, халықтар арасындағы байланысты арттырған өзара визасыз режим қолданысының оң нәтижелеріне назар аударды.

Путин: «2025 жылы 2 миллионнан астам Ресей азаматы Қытай Халық Республикасына саяхаттады. Ал Қытайдың бір миллионнан астам азаматы Ресейге келді», — деді.

Іздеу
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”
АҚШ және 9 ел жасанды интеллект қауіпсіздігі саласындағы ынтымақтастықты нығайтады
Эстония 1 желтоқсаннан бастап Ресеймен шекарасын жабады
Израильде сайлау кезіндегі арандатушылыққа Нетаньяхудың қатысы бар деген күдік туды
«Түркия Палестинаны қолдауды жалғасырады»
НАТО-ның келесі саммиті Албанияда өтеді
Президент Ердоған: «Палестина күресін барлық мінберде қорғаймыз»
Президент Ердоған COP31 аясында қарқынды дипломатиялық кездесулер өткізуде
Украина Ресейдің Волгоград қаласына шабуыл жасады
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр